ಅಲ್ಯೂಮಿನಿಯಂ ಏಣಿ (aluminium ladder) 5 ವರ್ಷಕ್ಕಿಂತ ಹಳತು ನಿಮ್ಮಲ್ಲಿ ಇದ್ರೆ. ಈ ಲೇಖನ ತಪ್ಪದೆ ಓದಿ?!

 

ಅಲ್ಯೂಮಿನಿಯಂ ಏಣಿ 

ಅಂದಾಜು 7 ವರ್ಷದ ಹಿಂದೆ ಉಪ್ಪಿನಂಗಡಿಯ(skads) ಪ್ರತಿಷ್ಠಿತ ಅಂಗಡಿಯಿಂದ ಆವಾಗಿನ ಪ್ರತಿಷ್ಠಿತ ಕಂಪನಿಯ ಏಣಿ(veenu ladders) (20ft+10ft). ಇದ್ರಲ್ಲಿ 2 ರೀತಿಯ ಏಣಿ ಇದೆ.ನಮ್ಮಲ್ಲಿನ ಏಣಿ 2.5ಇಂಚ್ ನ ಅಲ್ಯೂಮಿನಿಯಂ ಪೈಪ್ ಗೆ 1 inch ಚೌಕಾಕಾರದ hole ಮಾಡಿ ಅದರೊಳಗೆ ಅರ್ಧ ಫೀಟ್ ನ ಸ್ಟೆಪ್ ಅನ್ನು ತೂರಿಸಿ ಪೈಪ್ ನ ಹೊರಬಂದ step ನ ಅರ್ಧ ಇಂಚು ಭಾಗವನ್ನು ಅಲ್ಲಿಗೆ ಬೆಂಡ್ ಮಾಡಿ ಬಿಡುವುದು. ಈ ಏಣಿ ಯಲ್ಲಿ ಎಲ್ಲರಂತೆ ಕಾಳು ಮೆಣಸು, ಅಡಿಕೆಗೆ ಬೋರ್ಡೋ ದ್ರಾವಣ ಸಿಂಪಡ ಣೆ ಗೇ ಬಳಸುತ್ತಿದ್ದೆವು... ನಂತರ ಅದನ್ನು ನೀರು ಬಿಸಿಲು ಬೀಳದಂತೆ shade ಇರುವ ಜಾಗದಲ್ಲಿ ಇಡುತ್ತಿದ್ದೆವು . ಒಂದೆರಡು ವರ್ಷದಿಂದೀಚೆಗೆ ಅದನ್ನು ತೋಟದಲ್ಲಿಯೇ shade ಇರುವ ಜಾಗದಲ್ಲಿಯೇ ಇಟ್ಟು. ಬೇಕಾದ ಹಾಗೆ ಅದನ್ನು ಬಳಸಿ ಮತ್ತೆ ಪುನಃ ನೇರವಾಗಿ ಅಲ್ಲಿಯೇ ಮರಕ್ಕೆ ಕಟ್ಟಿ ಇಟ್ಟು ಬಿಡುತ್ತಿದ್ದೆವು. ಈ ಬಾರಿ ಬೋರ್ಡೋ ದ್ರಾವಣ ಬಿಡಲು ಪ್ರತೀ ಬಾರಿಯಂತೆ ಈ ಬಾರಿಯೂ ಬೆಳಿಗ್ಗೆ ತೆಗೆದೆವು, ಸಂಜೆಯವರೆಗೂ ಈ ಏಣಿಯಲ್ಲಿ ನಿಂತು ಔಷದಿ ಸಿಂಪಡಣೆ ಮಾಡುತ್ತಿದ್ದೆವು. ಆದ್ರೆ ಈ ಭಾರಿ ಅಂದಾಜು 4 ಗಂಟೆಯ ಸಮಯ ದಲ್ಲಿ ಒಂದು ಅವಘಡ ಸಂಭವಿಸಿತು.18 ವರ್ಷಗಳಿಂದ ಬೋರ್ಡೋ ಸಿಂಪಡಣೆ, ಅಡಿಕೆ ಕೊಯ್ಲು, ತೆಂಗಿನಕಾಯಿ ಕೊಯ್ಲು ಮಾಡುತ್ತಿದ್ದ ನಮ್ಮ ಕೆಲಸದವ(ಹೆಸರು ಕೆಂಪಯ್ಯ) ಈ 20ft ಏಣಿಯ ಮೇಲಿನ ಮೊದಲನೇ ಸ್ಟೆಪ್ ತುಂಡಾಗಿ 3 ಸ್ಟೆಪ್ ಕೆಳಗೆ ಬಂದ, ಆತ ಬಲವಾಗಿ ಮರವನ್ನು ಹಿಡಿದ ಕಾರಣ 20ft ಕೆಳಗೆ ಬೀಳಲಿಲ್ಲ. ಅದು ನಮ್ಮ ಮತ್ತು ಆತನ ಪುಣ್ಯ.3 ಸ್ಟೆಪ್ ಕೆಳಗೆ ಜಾರುವಾಗ ಆತನ ಎಡಗೈ ಯ ಮೊಣ ಕೈ ಯ ಭಾಗಕ್ಕೆ ಸ್ಟೆಪ್ನ ಎಡ್ಜ್ ತಾಗಿ ( ಆ ಭಾಗ ಶಾರ್ಪ್ ಇರ್ತದೆ) 2ಇಂಚ್ ನಷ್ಟು ಚರ್ಮ ಹರಿಯಿತು... ನಂತರ ಅದಕ್ಕೆ 3 ಹೊಲಿಗೆ ಹಾಕಿ ಟ್ರೀಟ್ಮೆಂಟ್ ಮಾಡಿಸಿದ ನಂತರ ಈಗ ಆರಾಮ ಇದ್ದಾನೆ..

ಈಗ ನನ್ನ ಪ್ರಶ್ನೆ ಇದು..?

ಮೊದಲೇ ತುಂಡಾದ ಸ್ಟೆಪ್ ನ ಹೊರ ಭಾಗ 

ಅಲ್ಯೂಮಿನಿಯಂ ಏಣಿಗೆ (ತುಳುವಿನಲ್ಲಿ ಕೇರ್ಪು) ರಸ್ಟ್ ಹಿಡಿಯುವ ಕ್ರಮ ಇದೆಯಾ? ತುಂಡಾದ ಭಾಗವನ್ನು ಗಮನಿಸಿದಾಗ ಅದರ 3 ಎಡ್ಜ್ ಮೊದಲೇ  ತುಂಡಾದ ಹಾಗಿದೆ(ಒಳಗಿನ 3 ಭಾಗ ಕಪ್ಪಾಗಿದೇ ಅಂದರೆ ಸುಮಾರು ಸಮಯದ ಮೊದಲೇ ಅದು ತುಂಡಾಗಿರಬಹುದು.1 ಭಾಗ ಬಿಳಿ ಇದೆ ಅದು ಈವಾಗ ತುಂಡಾಗಿರುವುದು). ಅದು 2.5ಇಂಚ್ ಅಲ್ಯೂಮಿನಿಯಂ ಪೈಪ್ ಒಳಗಡೆ ಇರುವುದರಿಂದ ಹೊರಗಡೆ ಗೋಚರಿಸುತ್ತಿರಲಿಲ್ಲ, ಹೆಚ್ಚಿನವರಲ್ಲಿ ಈ ಏಣಿ ಬಳಸುತ್ತಿರುವುದರಿಂದ ಈ ಲೇಖನ ಬರೆಯಲಾಗಿದೆ.ಜಾಗರೂಕತೆಯಿಂದ ಸ್ಟೆಪ್ ನ ಒಳ ಭಾಗ ಗಮನಿಸಿ, ಎಲ್ಲಿಯಾದರೂ ಸಣ್ಣ ಬಿರುಕು ಕಂಡರೆ ಕೂಡಲೇ ಆ ಸ್ಟೆಪ್ ಬದಲಿಸಿ. ನಾನು ತಂದ ಕಂಪನಿ ಈವಾಗ ಪುತ್ತೂರಿನ ತನ್ನ ಅಂಗ ಸಂಸ್ಥೆ ಮುಚ್ಚಿದೆ.ಈಗ ಮಂಗಳೂರಿನಲ್ಲಿ ಮಾತ್ರ ಇರುವುದು.ಅಲ್ಲಿಂದ ಈ ಸ್ಟೆಪ್ ನ್ನು ಕೊರಿಯರ್ ಮೂಲಕ ತರಿಸಿದೆ . ಸ್ಟೆಪ್ ಗೆ 250₹ , ಕೊರಿಯರ್ ಗೆ 60₹

ಹೊಸತು step 

ತುಂಡಾಗಲು ಕಾರಣ ನನ್ನ ಪ್ರಕಾರ

ಏಣಿಯ ಮೇಲಿನ ಭಾಗಕ್ಕೆ ಹೆಚ್ಚಾಗಿ ಬೋರ್ಡೋ ಬೀಳುವ ಕಾರಣ ಇರಬಹುದು, ಮಳೆಗೆ ಹೆಚ್ಚಾಗಿ ಒದ್ದೆಯಾದ ಕಾರಣ ಇರಬಹುದಾ? 

ಕಂಪನಿಯು ಇಂತಹ ಏಣಿಯನ್ನು ಅಥವಾ ಯಾವುದೇ ಉಪಕರಣ ರೈತರಿಗೆ ಕೊಡುವಾಗ ಅವರು ಉಪಕರಣವನ್ನು ಬಳಸುವ ವಿಧಾನ , ಬಳಸಿದ ನಂತರ ರಕ್ಷಿಸಿ ಇಡುವ ಬಗ್ಗೆ ಮತ್ತು ಯಾವ ರೀತಿ ಜಾಗೃತೆವಹಿಸಬೇಕು ಎಂಬುದನ್ನು ವಿವರಿಸಿ ಕೊಟ್ಟರೆ ಉತ್ತಮ ಅನ್ನೋದು ನನ್ನ ಭಾವನೆ.

ಹೊಸ ಸ್ಟೆಪ್ ಅಳವಡಿಸಿದ ನಂತರ 

ಕೊನೆಯ ಮಾತು

ಯಾವುದೇ ಕೃಷಿ ಯಂತ್ರೋಪರಣಗಳನ್ನು ಖರೀದಿಸುವಾಗ ಅದ್ರ ಬಿಡಿ ಭಾಗಗಳು ಸಿಗುತ್ತವೆಯೊ ಮತ್ತೂ ರಿಪೇರ್ ಸರಿಯಾದ ಸಮಯಕ್ಕೆ ಮಾಡಿಕೊಡುತ್ತಾರೆಯೊ ಎಂಬುದನ್ನು ಖಚಿತಪಡಿಸಿಕೊಂಡ ನಂತರವೇ ಖರೀದಿಸಿ....

ಈ ಲೇಖನ ಇಷ್ಟವಾದಲ್ಲಿ ಕಾಮೆಂಟ್ ಮತ್ತು share ಮಾಡಿ