17 ರ ವರೆಗೆ ಸಂಗ್ರಹಿಸಿದ ಹಣ, ಅಪ್ಪನ ಹವ್ಯಾಸ ಮತ್ತು ಅಲ್ಲಿಯ ವರೆಗಿನ ಅಪ್ಪನ ವ್ಯವಹಾರದ ಬಗ್ಗೆ ಒಂದು ಲೇಖನ...

ಅಪ್ಪನ ಲೆಕ್ಕಾಚಾರ ಯಾವಾಗಲೂ ಪರ್ಫೆಕ್ಟ್. ಯಾರೇ ಹಣ ಕೊಟ್ಟಿದ್ದರು ಅವರ ಹೆಸರು ಮತ್ತು ಯಾಕೆ ಕೊಟ್ಟದ್ದು ಅನ್ನೋದನ್ನು ಚೀಟಿಯಲ್ಲಿ ಬರೆದು ಹಣ ದ ಜೊತೆ ಚೀಟಿಯನ್ನು ಇಟ್ಟು ರಬ್ಬರ್ ಬ್ಯಾಂಡ್ ಹಾಕುತ್ತಿದ್ದರು. ಜೊತೆಗೆ ಸಣ್ಣ ಪುಸ್ತಕದಲ್ಲಿ ಬರೆದು ಇಡುತ್ತಿದ್ದರು.  ಏನು ತಂದರೂ ಮತ್ತು ಕೊಟ್ಟರೂ ಬರೆದು ಇಟ್ಟಿರುತ್ತಿದ್ದರು. ಯಾವುದೇ ದಾಖಲೆ ಇರಲಿ ಅದನ್ನು ಜಾಗೃತೆ ವಹಿಸಿ ಫೈಲ್ ಮಾಡಿ ಇಡುತ್ತಿದ್ದರು.. ತಂದೆಗೆ ಕಾಯಿನ್ ಕಲೆಕ್ಷನ್ ಹವ್ಯಾಸ ಇತ್ತು. ಹಲವು ದೇಶದ ಕಾಯಿನ್ ಮತ್ತು ಕರೆನ್ಸಿ ತಂದೆಯ ಬಳಿಯಿದೆ . ತಂದೆಯ ಮದುವೆ ಕಾಗದ, ವಧೂ ಗೃಹ ಪ್ರವೇಶದ ಇನ್ವಿಟೇಶನ್, ಫೋಟೋ ಗಳು ಈಗಲೂ  ಜೋಪಾನವಾಗಿ ಇದೆ. 

17 ರಂದು ತಂದೆ ಸಂಗ್ರಹಿದ ಹಣದ ಲೆಕ್ಕ ಸಿಂಪ್ಯೂಟರ್ ನ ಟೋಟಲ್ ನಲ್ಲಿ ಒಂದು ರೂಪಾಯಿ ವ್ಯತ್ಯಾಸ ಇರಲಿಲ್ಲ.. ಬ್ಯಾಗ್ ನಲ್ಲಿ ಇರುವ ದುಡ್ಡಿಗೂ ದಾಖಲೆ ಇಟ್ಟಿದ್ದರು ಅಪ್ಪ. ಯಾರು ಡೆಪಾಸಿಟ್ ಗೆ ಕೊಟ್ಟದ್ದು, ಅವರ ಹೆಸರನ್ನು ಬರೆದು ಇಟ್ಟಿದ್ದರು ಅಪ್ಪ... ಇದರಿಂದ ಅದನ್ನು ತಲುಪಿಸುವವರಿಗೆ ತಲುಪಿಸಲು ನಮಗೆ ಕಷ್ಟ ವಾಗಲಿಲ್ಲ. ತಂದೆಯ ಬ್ಯಾಗ್ ನ ಒಂದು wallet ತೆಗೆದು ನೋಡುವಾಗ ಒಂದು ಬ್ಲಾಂಕ್ ಚೆಕ್ ಸಿಕ್ಕಿತ್ತು. ಅದರಲ್ಲಿ sign ಹಾಕಿತ್ತು, ಹಣ ದ ವಿವರ ಬರೆದಿರಲಿಲ್ಲ.... ತಂದೆ ಎಷ್ಟು ಪ್ರಾಮಾಣಿಕರು ಅನ್ನುವುದಕ್ಕೆ ಇದೊಂದು ಉದಾಹರಣೆ... ಇದೆಲ್ಲವನ್ನೂ 19 ರ ಬೆಳಿಗ್ಗೆ ಸೊಸೈಟಿ ಗೆ ಹೋಗಿ ಒಪ್ಪಿಸಿದ್ದೇವೆ...

17 ರ ವರೆಗೆ ತಂದೆ ಸಂಗ್ರಹಿಸಿದ ಮತ್ತು ತಂದೆಯ ಬ್ಯಾಗ್ ನಲ್ಲಿದ್ದ ಡೆಪಾಸಿಟ್ ಗೆ ಕೊಟ್ಟ ಹಣ, ಚೆಕ್ ಎಲ್ಲವೂ ಅವರವರ ಖಾತೆ ಗೆ ಜಮಾ ಮಾಡಿದ್ದೇವೆ... ನಮ್ಮ ಜವಾಬ್ದಾರಿ ನಾವು ಮಾಡಿದ್ದೇವೆ... ಇನ್ನು ಮುಂದೆಯೂ ಅಷ್ಟೇ, ತಂದೆ ಹಾಕಿ ಕೊಟ್ಟ ದಾರಿಯೇ ಆದರ್ಶ ಅಷ್ಟೇ.... ತಂದೆ ಯಾರಿಗೂ ಮೋಸ ಮಾಡಿದವರಲ್ಲ... ತಂದೆಗೆ ಹಲವರು ಮೋಸ ಮಾಡಿರಬಹುದು. ಅದು ತಂದೆಗೆ ಗೊತ್ತಿದ್ದರೂ ಅಥವಾ ನಾವು ಅವರಲ್ಲಿ ಹೇಳಿದರೆ ಅವ್ರ ಮಾತು ಒಂದೇ "ದೇವರು ನೋಡ್ತಾನೆ" ಅಷ್ಟೇ. ಬೇರೆ ಏನೂ ಹೇಳುವವರಲ್ಲ.... ದೇವರಂತಹ ಮುಗ್ದ ವ್ಯಕ್ತಿತ್ವದ ಅಪ್ಪ ದೇವರ ಬಳಿ ಹೋದರು... ನಮಗೆ ದೇವರಾದರು......

 

ಪ್ರಕಾಶ ದೇರ್ಜಾಲು